07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Վրաստանի խորհրդարանը երկրորդ ընթերցմամբ քննարկում է «օտարերկրյա գործակալների» մասին օրինագիծը
Քաղաքականություն
30.04.2024 | 17:34
Վրաստանի խորհրդարանը լիագումար նիստում սկսել է երկրորդ ընթերցմամբ քննարկել «օտարերկրյա գործակալների» մասին օրինագիծը։ Հանդիպումն ուղիղ հեռարձակվում է օրենսդիր մարմնի կայքում։
Խորհրդարանական մեծամասնության առաջնորդ Մամուկա Մդինարաձեն արդեն հայտարարել է, որ օրինագծի քննարկումը կարող է չավարտվել մեկ օրում։
Ապրիլի 29-ին խորհրդարանական իրավական հարցերի հանձնաժողովը երկրորդ ընթերցմամբ պաշտպանել է վիճահարույց օրինագիծը։ Մինչ այդ էլ՝ ապրիլի 17-ին, Վրաստանի խորհրդարանն առաջին ընթերցմամբ հավանություն է տվել «Օտարերկրյա ազդեցության թափանցիկության մասին» օրինագծին, որին դեմ են արտահայտվել երկրի նախագահ Սալոմե Զուրաբիշվիլին, ընդդիմությունը և արևմտյան դիվանագետները, որոնք այն համարում են ռուսական օրինագիծ և ԵՄ-ին երկրի ինտեգրման խոչընդոտ։
Ապրիլի 15-ից Թբիլիսիում ընդդիմադիրներն ու քաղաքացիական ակտիվիստները բողոքի ակցիաներ են անցկացնում օրինագծի դեմ։
