18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ղրիմի ռուսական վարչակազմի ղեկավարը հայտնել է հեռահար հրթիռների խոցման մասին
Քաղաքականություն
30.04.2024 | 16:07
Բռնակցված Ղրիմի ռուսական վարչակազմի ղեկավար Սերգեյ Աքսյոնովը հայտարարել է, որ Սիմֆերոպոլի շրջանում «ATACMS հրթիռի խոցելուց հետո», իբր, մարտագլխիկի չպայթած բաղադրիչները ցրիվ են եղել, գրում է BBC-ի ռուսական ծառայությունը։
«Ուշադրություն թերակղզու բնակիչներին և հյուրերին։ ATACMS հրթիռը խոցելուց հետո ցրիվ են եղել դրա չպայթած բաղադրիչները։ Սույն զինամթերքը հայտնաբերելու դեպքում այն չբարձրացնել, դրան չմոտենալ, կանչել ՆԳՆ ու ԱԻՆ մասնագետների»,- նշել է նա։
Ռուսական Telegram-ալիքներն ու պաշտոնյաները հայտնել են բռնակցված Ղրիմում պայթյունների և հակաօդային պաշտպանության գործողությունների մասին։ Նրանց տվյալներով՝ տեղի բնակիչները պայթյուններ են լսել Եվպատորիայում, Ջանկոյում, Սիմֆերոպոլում, Գվարդեյսկի և Կրասնոպերեկոպսկի շրջաններում։
Աքսյոնովի խորհրդական Օլեգ Կրյուչկովն իր հերթին կոչ է արել «չնկարահանել և չհրապարակել հակաօդային պաշտպանության համակարգերի աշխատանքը»։ Ռուսաստանի կողմից նշանակված Զապորոժիեի շրջանի օկուպացիոն վարչակազմի ներկայացուցիչ Վլադիմիր Ռոգովը նույն խնդրանքով դիմել է իր Telegram-ալիքի բաժանորդներին և հայտնել, որ ռուսական հակաօդային պաշտպանության համակարգն է «աշխատել» Ջանկոյում և Սիմֆերոպոլում, իսկ թերակղզին հարձակման է ենթարկվել ATACMS հրթիռներով։
Անցած շաբաթ հայտնի դարձավ, որ ԱՄՆ-ը վերջերս Ուկրաինային մատակարարել է 300 կիլոմետր հեռահարությամբ ATACMS հրթիռներ։ Ուկրաինան դրանք առաջին անգամ օգտագործել է Ղրիմում, հայտնել էին ԱՄՆ պաշտոնյաներն ու լրատվամիջոցները։
