21.06.2026 | 12:51
Վրաստանը կտրուկ ավելացրել է ծաղիկների ներմուծումը Հայաստանից
Ադրբեջանում Ֆրանսիայի դեսպանը Փարիզում խորհրդակցություններից հետո վերադարձել է Բաքու
Քաղաքականություն
30.04.2024 | 14:03
Ադրբեջանում Ֆրանսիայի դեսպանը վերադարձել է Բաքու, հայտնում է ադրբեջանական APA գործակալությունը։ Նշվում է, որ դեսպան Անն Բուայոնը վերադարձել է և շարունակում է իր դիվանագիտական գործունեությունը։
Հիշեցնենք՝ ապրիլի կեսերին Ֆրանսիայի ԱԳՆ-ն հայտնել էր, որ որոշել է հետ կանչել Ադրբեջանում իր դեսպանին խորհրդակցությունների համար՝ կապված վերջին ամիսներին Ադրբեջանի կողմից երկու երկրների հարաբերությունները վնասող միակողմանի գործողությունների հետ։ Դեսպանին ընդունել էր նաև Ֆրանսիայի նախագահ Էմանուել Մակրոնը։
«Հանրապետության նախագահն ընդունել է մեր դեսպանին։ Նա ափսոսանք է հայտնել Ադրբեջանի գործողությունների համար և ցանկություն հայտնել, որ ադրբեջանական կողմը հստակեցնի իր մտադրությունները»,- ասվում էր հաղորդագրության մեջ։
Նշենք, որ Արցախյան 44-օրյա պատերազմից հետո պաշտոնական Բաքուն ակտիվորեն զբաղվում է հակաֆրանսիական գործունեությամբ։ Ադրբեջանը կալանավորել է Ֆրանսիայի քաղաքացու՝ մեղադրելով, իբր, լրտեսության մեջ, ինչպես նաև ֆրանսիական դեսպանատան երկու աշխատակցի անցանկալի անձ է հայտարարել ու վտարել երկրից։
