22.07.2026 | 09:30
Համբուրգ․ Էլինա Ավանեսյանը վստահ հաղթանակով է մեկնարկել․ ՏԵՍԱՆՅՈՒԹ
ԱՄՆ գանձապետարանը ժամանակավորապես թույլատրել է գործարքներ իրականացնել ռուսական բանկերի հետ
Քաղաքականություն
30.04.2024 | 12:34
ԱՄՆ գանձապետարանը ժամանակավորապես թույլատրել է գործարքներ կատարել էներգետիկ ոլորտում ռուսական բանկերի հետ, այդ թվում՝ ՎՏԲ-ի, Կենտրոնական բանկի, Սբերբանկի և Ալֆա բանկի հետ։ Գերատեսչության կողմից տրված լիցենզիայի համաձայն՝ գործունեության արգելքը կասեցվել է մինչև 2024 թվականի նոյեմբերի 1-ը՝ երկարաձգման հնարավորությամբ, գրում է DW-ի ռուսական ծառայությունը։
ԱՄՆ ֆինանսների նախարարությունը պարզաբանել է, որ էներգետիկայի հետ կապված համարվում են այն գործարքները, որոնք վերաբերում են նավթի, LNG-ի, փայտանյութի, ածխի և ուրանի արդունահանմանը, արտադրությանը, վերամշակմանը, տեղափոխմանը կամ գնմանը։
Լիցենզիան թույլ է տալիս նաև գործարքներ կատարել ռուսական բանկերի հետ՝ կապված ցանկացած միջոցներով էներգիայի արտադրության, մատակարարման կամ փոխանակման հետ։
2022 թվականի փետրվարին Ուկրաինա ռուսական լայնամասշտաբ ներխուժումից ի վեր Վաշինգտոնը բազմիցս պատժամիջոցներ է սահմանել ռուսական բանկերի դեմ։ Սահմանափակող միջոցներ են մտցվել նաև ֆինանսական հաստատությունների նկատմամբ, եթե նրանք գործարքներ են կատարում ռուսական ռազմարդյունաբերական համալիրի շահերից ելնելով։
Այսպիսով, ապրիլի վերջին հայտնի դարձավ, որ Միացյալ Նահանգները պատժամիջոցներ է մշակում, որոնք կարող են չինական որոշ բանկերի անջատել համաշխարհային ֆինանսական համակարգից, որպեսզի սահմանափակեն Պեկինի աջակցությունը ռուսական ռազմական արտադրությանը։
