17.03.2026 | 11:42
Աֆղանստանը հայտնել է Պակիստանի հարվածի հետևանքով 400 զոհի մասին
Հյուսիսային Կորեան ականապատել է Հարավային Կորեա տանող ճանապարհը. Yonhap
Քաղաքականություն
29.04.2024 | 16:39
Հյուսիսային Կորեան ականներ է տեղադրել միջկորեական ճանապարհի ապառազմականացված գոտում, որը բաժանում է երկու երկրները։ Այս մասին գրում է Yonhap գործակալությունը՝ վկայակոչելով հարավկորեացի զինվորական պաշտոնյայի։
Աղբյուրի խոսքով՝ Հարավային Կորեայի զինվորականները հայտնաբերել են, որ ականները տեղադրվել են անցյալ տարվա վերջին Սեուլից 85 կիլոմետր հյուսիս-արևելք գտնվող ապառազմականացված գոտու ներսում՝ հողածածկ ճանապարհի վրա:
Անցյալ տարեվերջից ԿԺԴՀ-ն ականներ է տեղադրել երկու Կորեաների միջև ընկած բոլոր ճանապարհներին։ Հունվարին հյուսիսկորեական զորքերն ականներ տեղադրելիս նկատվել են միջկորեական երկու ճանապարհներին․ արևմուտքում՝ Կյոնգիի ճանապարհին, և արևելյան ափին՝ Տոնհեի ճանապարհին: Մարտին պարզվել է նաև, որ Հյուսիսային Կորեան հեռացրել է այդ երկու ճանապարհների երկայնքով տեղադրված տասնյակ փողոցային լապտերները:
Ըստ գործակալության՝ նման քայլեր են ձեռնարկվել այն բանից հետո, երբ Հյուսիսային Կորեայի առաջնորդ Կիմ Չեն Ընը կոչ է արել հրաժարվել Հարավային Կորեայի հետ միավորման քաղաքականությունից և երկու երկրների հարաբերությունները սահմանել որպես «միմյանց թշնամի երկու պետությունների» հարաբերություններ։ Հունվարին Կիմ Չեն Ընը կարգադրել է «խիստ» միջոցներ ձեռնարկել՝ արգելափակելու սահմանի երկայնքով միջկորեական հաղորդակցության բոլոր ուղիները, ընդհուպ մինչև «անշրջելի մակարդակ»։
