30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բելառուսը փոխել է իր ռազմական դոկտրինը՝ դրանում ներառելով դաշնակիցներին օգնություն ցուցաբերելու հնարավորությունը
Քաղաքականություն
26.04.2024 | 16:42
Բելառուսը թարմացրել է իր ռազմական դոկտրինը և դրանում ներառել իր դաշնակիցներին օգնություն ցուցաբերելու հնարավորությունը։ Խոսքը, մասնավորապես, զինվորականների ուղարկելու մասին է։ Այս մասին է վկայում Բելառուսի Հանրապետության ռազմական դոկտրինի տեքստը։
«Բելառուսը հնարավոր է համարում բարեկամ պետություններին ռազմական օգնություն ցուցաբերել Բելառուսի Հանրապետության երկկողմ և բազմակողմ միջազգային պայմանագրերի հիման վրա, մասնավորապես՝ ռազմական զորամիավորումներ ուղարկելով միջազգային խաղաղության և անվտանգության պահպանման համար համապատասխան միջոցառումներին մասնակցելու համար»,- ասվում է փաստաթղթում։
Բելառուսը Միութենական պետության անդամների դեմ ռազմական ուժի կիրառման ցանկացած գործողություն «համարում է ոտնձգություն և կձեռնարկի համապատասխան պատասխան միջոցներ՝ օգտագործելով իր տրամադրության տակ գտնվող բոլոր ուժերն ու միջոցները», ասվում է փաստաթղթում։
Բելառուսի Հանրապետությունը պատրաստ կլինի ցանկացած օգնություն ցուցաբերել, այդ թվում՝ ռազմական օգնություն ՀԱՊԿ անդամ երկրին՝ իր դեմ ագրեսիայի դեպքում։
Ռազմական դոկտրինում նշվում է նաև Ուկրաինայի մասին։ Մինսկը կարծում է, որ «հավաքական Արևմուտքը» հրահրել է «ռազմական հակամարտություն» Ուկրաինայում և, իբր, մոտ ապագայում լարվածության օջախ է ստեղծելու Բելառուսի սահմանների մոտ։
