24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
ՌԴ դատախազությունը 7 տարվա ազատազրկում է պահանջել Meta-ի խոսնակ Էնդի Սթոունի համար՝ «ահաբեկչությունն արդարացնելու գործով»
Քաղաքականություն
22.04.2024 | 21:41
Ռուսաստանում պետական մեղադրողը դատարանին խնդրել է յոթ տարվա ազատազրկում սահմանել Meta-ի կապի տնօրեն Էնդի Սթոունի նկատմամբ, գրում է Մեդուզան։
Սթոունին հեռակա կարգով դատում են համացանցում ահաբեկչության հրապարակային արդարացման հոդվածով (ՌԴ Քրեական օրենսգրքի 205.2 հոդվածի 2-րդ մաս): Յոթ տարին այս հոդվածով առավելագույն հնարավոր պատժաչափն է:
Սթոունի և Meta-ի մյուս աշխատակիցների դեմ գործը հարուցվել է 2022 թվականի գարնանը։ Դրա համար հիմք է հանդիսացել ընկերության որոշումը՝ չարգելափակել ռուս զինվորականների նկատմամբ բռնության կոչերը ընկերության սոցիալական հարթակներում։
2023 թվականի փետրվարին Սթոունը հայտնվել է միջազգային հետախուզման մեջ։ Մեկ տարի անց Rosfinmonitoring-ը նրան ներառել է ահաբեկիչների և ծայրահեղականների ռեգիստրում։ Կարճ ժամանակ անց Meta-ն ճանաչվել է «ծայրահեղական կազմակերպություն», իսկ նրան պատկանող Facebook-ն ու Instagram-ն արգելափակվել են Ռուսաստանում։
Միաժամանակ, ՌԴ իշխանությունները չեն արգելափակել WhatsApp մեսենջերը, որը նույնպես պատկանում է Meta-ին։
