07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Հունաստանում վառվել է 2024 թվականի Օլիմպիական խաղերի կրակը
16.04.2024 | 14:15
Փարիզում անցկացվելիք 2024 թվականի Օլիմպիական խաղերի կրակը վառվել է Օլիմպիայում՝ հնագույն օլիմպիական խաղերի ծննդավայրում, գրում է CNN-ը։
Արարողության հյուրերը հավաքվել են մարզադաշտում, որտեղ գրանցված ամենավաղ խաղերն անցկացվել են մ.թ.ա. 776 թվականին։ Հին Հունաստանի ավանդույթներով և արժեքներով ոգեշնչված բարձր սիմվոլիզմով խորեոգրաֆիկ միջոցառման ժամանակ դերասանուհիները, որոնք հագնված են եղել հին քրմուհիների նման, մտել են մարզադաշտ՝ գլխավոր քրմուհուն նրբագեղորեն ուղեկցելով Հերայի տաճար, որտեղ ենթադրվում է, որ կրոնական արարողություններ են տեղի ունեցել Հին Հունաստանում։ Քլխավոր քրմուհու դերը կատարել է հույն դերասանուհի Մերի Մինան։
Լույսի աստծո՝ Ապոլլոնի օգնությունը խնդրելով՝ գլխավոր քրմուհին արևի ճառագայթների օգնությամբ վառել է կրակը՝ պարաբոլիկ հայելու մոտ բերելով ջահը։
Արարողությանը ներկա են եղել Հունաստանի նախագահ Կատերինա Սակելարոպուլուն, Միջազգային օլիմպիական կոմիտեի ղեկավար Թոմաս Բախը, Փարիզի քաղաքապետ Անն Իդալգոն և այլ պաշտոնյաներ։
Օլիմպիական կրակը նախ անցնելու է Հունաստանի տարածքով, իսկ մայիսի 8-ին կհասնի Մարսել։
Օլիմպիական խաղերի բացման արարողությունը տեղի կունենա Փարիզում հուլիսի 26-ին։
