29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Լավրովն Արևմուտքին մեղադրել է «Հարավային Կովկասում իրավիճակի կայունացման գործընթացին խոչընդոտելու մեջ»
Քաղաքականություն
12.04.2024 | 15:28
Մինսկում ԱՊՀ երկրների ԱԳ նախարարների խորհրդի նիստին մասնակցող ՌԴ ԱԳՆ ղեկավար Սերգեյ Լավրովը հայտարարել է, թե ԱՄՆ-ը և նրա արբանյակները փորձում են խաթարել Ռուսաստանի աջակցությամբ Հայաստանի և Ադրբեջանի կողմից ձեռք բերված պայմանավորվածությունների իրականացումը։
«Ռուսաստանի ռազմավարական դաշնակիցները գտնվում են հսկայական ճնշման տակ։ Այնուամենայնիվ, նրանք հավատարիմ են մնում ընդհանուր արժեքներին և սկզբունքներին, որոնց վրա հիմնված են ինտեգրացիոն կառույցները՝ ԵՏՄ-ն, ԱՊՀ-ն և ՀԱՊԿ-ը»,- ասել է նա։
Նշենք, որ Մինսկում այսօր տեղի ունեցած ԱՊՀ ԱԳ նախարարների խորհրդի նիստին ՀՀ ԱԳ նախարար Արարատ Միրզոյանը չի մասնակցել։ Հայաստանը ներկայացրել է ԱԳ փոխնախարար Մնացական Սաֆարյանը։
