05.06.2026 | 22:52
Միջազգային դիտորդների թիվը 1/3-ով ավելացել է
Ավինյանն առաջարկում է կրճատել ԵԱՍՄ հիմնարկի հավաքարարների հաստիքացուցակը
Քաղաքականություն
11.04.2024 | 13:28
Երևանի ավագանին ապրիլի 16-ին նիստ կգումարի, որի օրակարգում ընդգրկված է 25 հարց։ Նախագծերից միայն 8-ն է զեկուցվող։
Չզեկուցվող հարցերից մեկը վերաբերում է ԵԱՍՄ հիմնարկի հավաքարարների հաստիքի կրճատմանը։ Առաջարկվում է գործող հաստիքացուցակով հաստատված թվով 620 հավաքարարի հաստիքը կրճատել 250-ով և այդ հաստիքը տեղափոխել վարչական շրջանների ղեկավարների աշխատակազմեր:
«Մայրաքաղաքի սանմաքրման, ինչպես նաև բակային կանաչապատ տարածքների խնամքի աշխատանքների առավել արդյունավետ իրականացմամբ պայմանավորված, նախագծով առաջարկվում է «Երևանի աղբահանություն և սանիտարական մաքրում» համայնքային հիմնարկից կրճատված 250 հավաքարարի հաստիքը տեղափոխել վարչական շրջանների ղեկավարների աշխատակազմեր»,- նշված է քաղաքապետ Տիգրան Ավինյանի հեղինակած նախագծում։
Արփի Հակոբյան
