22.07.2026 | 21:15
Նարեկ Կարապետյանին մեղադրանք առաջադրվեց․ գլխավոր դատախազը կգնա՞ խորհրդարան. ՏԵՍԱՆՅՈՒԹ
Պեսկովը հայտարարել է, թե ՀՀ-ն ՌԴ-ի «մերձավոր գործընկերն ու դաշնակիցն է»
Քաղաքականություն
10.04.2024 | 14:38
ՌԴ նախագահի մամուլի խոսնակ Դմիտրի Պեսկովը հայտարարել է, որ Հայաստանը Ռուսաստանի մերձավոր գործընկերն ու դաշնակիցն է, և դժվար թե կարելի է գերագնահատել երկկողմ հարաբերությունների կարևորությունը, փոխանցում է ՌԻԱ Նովոստին։
Կրեմլի խոսնակն այսպես է արձագանքել ՀՀ վարչապետ Նիկոլ Փաշինյանի հայտարարությունները մեկնաբանելու խնդրանքին, որն ավելի վաղ հայտարարել էր, որ Հայաստանը միշտ կատարել է իր պարտավորությունները Ռուսաստանի Դաշնության հանդեպ, իսկ Ռուսաստանը մի շարք դեպքերում դրանք չի կատարել։
«Գիտեք, որ Հայաստանը մեր մերձավոր գործընկերն է, մեր դաշնակիցը։ Երկիր, որի հետ մեզ միավորում են բազմաթիվ ինտեգրացիոն ֆորմատներ և, իհարկե, պատմական երկկողմ հարաբերությունները, հումանիտար հարաբերությունները, որոնց նշանակությունը դժվար է գերագնահատել։ Իհարկե, նման սերտ երկխոսության ժամանակ որոշ խնդիրներ կարող են առաջանալ»,- ասել է Պեսկովը։
Նա նաև նշել է, որ Ռուսաստանի և Հայաստանի միջև երկխոսությունը շարունակվում է աշխատանքային մակարդակով։
