23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Պուտինն ու Փաշինյանը կկարողանան անձամբ քննարկել երկու երկրների հարաբերություններում խնդիրները․ Պեսկով
Քաղաքականություն
10.04.2024 | 15:10
Տեսանելի ապագայում ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանը կկարողանան անձամբ քննարկել երկու երկրների հարաբերություններում առկա բոլոր հարցերը։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Հուսով ենք, որ տեսանելի ապագայում նախագահներին հնարավորություն կտրվի անձամբ քննարկել նման հարցերը, եթե դրանք լինեն օրակարգում»,- ասել է Պեսկովը։
Այսօր ավելի վաղ Նիկոլ Փաշինյանը հայտարարել էր, որ հայ-ռուսական հարաբերություններն իրենց լավագույն ժամանակաշրջանը չեն ապրում։
«Մենք իսկապես ՌԴ-ի հետ մեր հարաբերություններում ոչ մի սխալ քայլ չենք արել: Չկա մի տեղ, որտեղ մեր գործընկերները կարող են մեզ մեղադրել մեր պարտավորությունները չկատարելու մեջ: Հակառակ դեպքերը, ցավոք, բազմաթիվ են: Բայց նաև ուզում եմ ընդգծել, որ մենք չենք ուզում վիճել ՌԴ-ի հետ, ոչ միայն այն պատճառով, որ դրա հնարավորությունը և ուժը չունենք, այլ այն պատճառով, որ մենք գնահատում ենք այն ահռելի դրականը, որ եղել է և կա մեր հարաբերություններում»,- ասել էր Փաշինյանը։
