26.04.2026 | 13:50
Պլանային ջրանջատում Սյունիքում
Մոսկվայում տեղի է ունեցել ԱՊՀ երկրների ԶՈՒ շտաբների պետերի կոմիտեի նիստը․ ՀՀ ներկայացուցիչ նույնպես մասնակցել է
Քաղաքականություն
04.04.2024 | 16:02
ԱՊՀ երկրների, այդ թվում՝ Հայաստանի, Ադրբեջանի և Տաջիկստանի զինված ուժերի ներկայացուցիչները Մոսկվայում մասնակցում են շտաբների պետերի կոմիտեի նիստին։ Այս մասին հայտնել է ՌԴ ՊՆ-ին, փոխանցում է ՏԱՍՍ-ը։
Հաղորդվում է, որ Հայաստանից հանդիպմանը մասնակցել է ԶՈՒ ներկայացուցիչ Արտակ Տոնոյանը, իսկ Ադրբեջանից՝ ԳՇ պետ Քերիմ Վելիևը։ Հավաքին ներկա են եղել նաև ներկայացուցիչներ Բելառուսից, Ղազախստանից, Ղրղզստանից, Տաջիկստանից և Ուզբեկստանից։
Հանդիպմանը ելույթ է ունեցել ռուսական բանակի գլխավոր շտաբի պետ Վալերի Գերասիմովը։ Նա նշել է, որ «հանդիպման մասնակիցներին հնարավորություն է տրվել ծանոթանալու ռուսական ռազմարդյունաբերական համալիրի կողմից ստեղծված ժամանակակից զինատեսակներին, նրանք նաև տեղեկացվել են անօդաչու թռչող սարքերի կիրառման հակազդեցության կազմակերպման ժամանակակից մոտեցումներին ու հատուկ ռազմական գործողության ընթացքում ականազերծման առաջադրանքների կատարման փորձին»։
Հատուկ ուշադրություն է դարձվել կապի և ՀՕՊ միասնական համակարգերի կատարելագործման հեռանկարներին։
Վալերի Գերասիմովը նաև նշել է, որ հանդիպման ընթացքում «առավելապես վերլուծվել է ռազմաքաղաքական իրավիճակը աշխարհում և ԱՊՀ սահմանների երկայնքով»։
