Չավուշօղլուն Բաքվում դժգոհել է Հայաստանին ցուցաբերվող ռազմական աջակցությունից

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ադրբեջանում գտնվող Թուրքիայի ԱԳ նախկին նախարար Մևլութ Չավուշօղլուն Բաքվում այցելել է շեհիդների պուրակ ու լրատվամիջոցների համար մի շարք հայատարարություններով հանդես եկել՝ դժգոհություններ հայտնելով Ֆրանսիայից։ Ադրբեջանական լրատվամիջոցների փոխանցմամբ՝ նա ասել է, թե որոշ երկրներ՝ Ֆրանսիայի գլխավորությամբ, Հայաստանին շեղում են ճիշտ ուղուց։

«Մենք այդ մասին բազմիցս հայտարարել ենք Ֆրանսիայի ներկայացուցիչներին։ Նրանք պետք է դադարեցնեն Հայաստանին այլ կերպ աջակցելու փորձերը։ Թող չմոռանան, որ մեր սիրելի Ադրբեջանը երբեք մենակ չի մնում»,- հայտարարել է նա՝ կոչ անելով Արևմուտքին ու Ֆրանսիային ՀՀ-ի վրա ճնշում գործադրել՝ Ադրբեջանի հետ շուտափույթ խաղաղության պայմանագիր կնքելու համար։

«Ադրբեջանը կարևոր դեր է խաղում Արևմուտքի էներգետիկ անվտանգության ապահովման գործում, և այդ առումով արևմտյան երկրները, մասնավորապես՝ Ֆրանսիան, պետք է ճնշում գործադրեն Հայաստանի վրա՝ հնարավորինս շուտ խաղաղություն կնքելու համար»,- ասել է նա։

Բաքվին ամենօրյա ռեժիմով զինող երկրի պաշտոնյան դժգոհել է նաև, որ Հայաստանը ռազմական ոլորտում համագործակցություն է զարգացնում տարբեր երկրների հետ։

«Մենք չենք հավատում, որ Հայաստանին աջակցող երկրներն ասում են, թե իրենք Ադրբեջանին չեն թիրախավորում: Իհարկե, նրանք կարող են տնտեսական աջակցություն ցուցաբերել տարածաշրջանին: Բայց նրանց աջակցությունը, հատկապես՝ սպառազինության ոլորտում, Հայաստանին ու տարածաշրջանին օգուտ չի բերի։ Նախկինում էլ փորձել են, տեսել են, որ անօգուտ է»,- ասել է Չավուշօղլուն՝ նշելով, որ Շուշիի հռչակագրի համաձայն՝ Թուրքիան Ադրբեջանին համակողմանի աջակցություն կտրամադրի։

Նա խոսել է տարածաշրջանում հաղորադկցությունների ապաշրջափակման մասին՝ հայտարարելով, թե ՀՀ-ն «պետք է ավելի շահագրգիռ կողմ լինի «Զանգեզուրի միջանցքի» բացման հարցում»։

«Հայաստանին տարածաշրջանում ամենաշատն են պետք նման նախագծերը։ Մենք արդեն կարևոր քայլեր ենք ձեռնարկել տարբեր ուղիներով՝ Բաքու-Թբիլիսի-Կարս երկաթուղային և տրանսպորտային միջանցքներով։ Այս միջանցքի բացումը լավ օգուտներ է խոստանում ինչպես տարածաշրջանի, այնպես էլ հենց Հայաստանի համար։ Որպես Թուրքիա՝ մենք աջակցում ենք միջանցքի այս նախագծի իրականացմանը»,- հայտարարել է Չավուշօղլուն։

Հիշեցնենք, որ հունվարի վերջին էլ Թուրքիայի ՊՆ նախկին ղեկավար, ներկայում Ազգային Մեծ ժողովի պաշտպանության հարցերի հանձնաժողովի նախագահ Հուլուսի Աքարի գլխավորած թուրքական խորհրդարանական պատվիրակությունն էր այցելել Բաքու, որտեղ սպառնալիքներ էր հնչեցրել Հայաստանի հասցեին։

Էմմա Չոբանյան