Քաղաքականություն
03.04.2024 | 15:55
Վրաստանի խորհրդարանի այսօրվա նիստը սկսվել է բանավեճով, որը վերածվել է կռվի, հայտնում է «Առաջին ալիքը»։
Նշվում է, որ «Մոքալաքեեբի» կուսակցության պատգամավոր Ալեկո Էլիսաշվիլին ելույթ է ունեցել խորհրդարանական նիստում՝ մեկնաբանելով «Վրացական երազանքի» հայտարարությունը, որով արտաքին ֆինանսավորման թափանցիկության հետ կապված օրենսդրական նախաձեռնություն է ներկայացնելու։
«Այդ օրենքը հետ վերադարձնելը վիրավորանք է բոլորիս համար։ Դա ռուսական օրենք է»,- ասել է պատգամավորը։
Այս հայտարարությունը բողոք է առաջացրել իշխանական պատգամավորների շրջանում։ Խորհրդարանի նախագահ Շալվա Պապուաշվիլին պատգամավորներին կոչ է արել չօգտագործել «ռուսական օրենք» տերմինը։
«Սա հակավրացական քարոզչություն է, որը դուք այժմ վարում եք։ Ես ձեզ թույլ չեմ տա հակավրացական քարոզչություն իրականացնել։ Ես կանջատեմ յուրաքանչյուրի խոսափողը, որը կրկին կօգտագործի «ռուսական օրենք» տերմինը»,- ասել է Պապուաշվիլին:
Georgian opposition MP Aleko Elisashvili and Georgian Dream MP Mamuka Mdinaradze clash in parliament, after the ruling party announced they were re-introducing a foreign agent law
Video via Formula pic.twitter.com/241nKbJQ61
— OC Media (@OCMediaorg) April 3, 2024
