15.02.2026 | 23:14
ՔՊ-ում տեղի ունեցած քվեարկության արդյունքները՝ 23։00-ի դրությամբ․ առաջին քառյակը
Թուրքիայում գնաճը կազմել է 68,5 տոկոս՝ հասնելով 2022թ․ նոյեմբերից ի վեր առավելագույն ցուցանիշի
Քաղաքականություն
03.04.2024 | 20:44
Թուրքիայում սպառողական գների աճի տեմպերը մարտին կրկին արագացել են՝ հասնելով 2022 թվականի նոյեմբերից ի վեր նոր առավելագույնi, գրում են թուրքական լրատվամիջոցները՝ վկայակոչելով TurkStat-ին՝ վիճակագրական ծառայությանը։ Նշվում է, որ մարտին գնաճը տարեկան կտրվածքով կազմել է 68,5 տոկոս։
Անցյալ ամիս կրթության, առողջապահության, տրանսպորտի և սննդի ծախսերը ցույց են տվել ամենամեծ աճը այն բանից հետո, երբ փետրվարին գնաճը հասել էր 67,07 տոկոսի։ Սակայն ENAG-ը (անկախ տնտեսագետների խումբ) հայտարարում է, որ իրենց սեփական հաշվարկներով՝ գնաճի տարեկան ցուցանիշը կազմում է գրեթե 125 տոկոս:
Պաշտոնական տվյալներով՝ ամսական գնաճի դանդաղումը փետրվարի 4,53 տոկոսից հասել է 3,16 տոկոս։ Ֆինանսների նախարար Մեհմեդ Շիմշեքն էլ X-ում գրել է, որ «ամսական գնաճը նվազել է իրենց կանխատեսմանը համապատասխան»։
Կենտրոնական բանկի՝ ավանդական քաղաքականությանը վերադառնալուց հետո, որը հիմնական տոկոսադրույքը բարձրացրել է մինչև 50 տոկոսի, կառավարությունը նաև խոստացել է վերահսկել ծախսերը՝ արգելակելու գնաճը:
«Մենք կանենք այն ամենը, ինչ անհրաժեշտ է, մինչև հասնենք գների կայունության մեր նպատակին, որը մեր առաջնահերթությունն է»,- գրել է թուրք նախարարը։
Էմմա Չոբանյան
