16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Փնտրում եմ մարդկանց, որոնք կասեն՝ դրանք Տավուշի գյուղեր են. դրանք ադրբեջանական են. Սիմոնյան․ ՏԵՍԱՆՅՈՒԹ
Քաղաքականություն
27.03.2024 | 17:18
«Ելման կետը, որտեղից սահմանը պետք է ուրվագծվի, ճիշտ է Տավուշից սկսելը: Այնտեղ վիճելի մասերը քիչ են, այս պրոցեսի շնորհիվ կունենանք սահմանի ուրվագիծ»,- այս մասին ԱԺ-ում լրագրողների հետ ճեպազրույցում ասաց ԱԺ նախագահ Ալեն Սիմոնյանը։
Ըստ նրա՝ Հայաստանի ուզածը սահման ստանալն է․ Սիմոնյանի խոսքով՝ այնտեղ, որտեղ Ադրբեջանն է առաջ, ադրբեջանական զորքերը պետք է հայելային ձևով հետ քաշվեն, նույնը վերաբերում է նաև ՀՀ ԶՈՒ-ին։
«Մենք հիմա նրանց փնտրտուքի մեջ ենք, որոնք համարում են, որ դա Հայաստանի տարածք է։ Ես փնտրում եմ այդ մարդկանց, որ կգան ու կապացուցեն, որ Տավուշի այդ գյուղերը Հայաստանի տարածք են։
ՀՀ-ն իր տարածքը մետր առ մետր կարող է ցույց տալ բոլոր ԽՍՀՄ քարտեզներով։ Տավուշի բնակիչները գիտեն, որ գծից այն կողմ միշտ եղել է Հայաստանի Հանրապետություն և մյուս կողմում Ադրբեջան: Դա իմացել են ՀՀ բոլոր իշխանությունները՝ և՛ Ռոբերտ Քոչարյանը, և՛ Սերժ Սարգսյանը, և՛ մենք շատ լավ իմացել ենք, որ անգամ Վրաստան գնալուց կանգնում նայում էինք այդ կտորին և ասում այնտեղ Ադրբեջան է: Մենք որևիցե նոր բանի մասին չենք խոսում»,- նշեց նա:
ԱԺ խոսնակի պնդմամբ՝ ՀՀ տարածքի որևէ մաս սակարկման չի ենթարկվում։
Մանրամասները՝ տեսանյութում։
