22.07.2026 | 22:19
43 մլն դրամ՝ «Մերիդիան»-ի հարակից 4000 քմ տարածքի ասֆալտապատման համար․ աշխատանքները պետք է ավարտին հասցվեն մինչև հոկտեմբեր
«3+3» հարթակի հաջորդ հանդիպումը կարող է տեղի ունենալ այս տարի. ՌԴ-ում Իրանի դեսպան
Քաղաքականություն
26.03.2024 | 18:51
«3+3» խորհրդատվական հարթակի հաջորդ հանդիպումը կարող է տեղի ունենալ այս տարի։ Այս մասին հայտնել է ՌԴ-ում Իրանի դեսպան Քազեմ Ջալալին՝ պատասխանելով NEWS.ru-ի թղթակցի հարցին։ Դիվանագետը հույս է հայտնել, որ Վրաստանը կդառնա հարթակի մասնակից։ Նա նաև այս ձևաչափն անվանել է Հարավային Կովկասի խնդիրների լուծման համար ամենաօգտակարը։
«Տարածաշրջանում խնդիրների լուծման ամենաօգտակար ձևաչափը «3+3»-ն է։ Հուսով եմ, որ այս տարի կրկին նոր հանդիպում կանցկացվի»,- ասել է Ջալալին։
Նա հիշեցրել է, որ նման ձևաչափով նախորդ հանդիպումը տեղի է ունեցել անցյալ տարի Թեհրանում՝ այն հաջողված անվանելով։ Դեսպանն ասել է, որ այլ պետությունների, «գերտերությունների» միջամտությունը ոչ միայն սրում է իրավիճակը, այլև ուժեղացնում է էսկալացիան Հարավային Կովկասում։
«Հարավային Կովկասում կարգավորմանը խանգարում է այլ երկրների առկայությունը։ Այս տարածաշրջանի վեց երկրները՝ Ռուսաստանը, Թուրքիան, Իրանը, Ադրբեջանը, Հայաստանը և Վրաստանը, տարածաշրջանի լավագույն փորձագետներն են, այլ ոչ թե որոշ այլ երկրներ»,- հայտարարել է Իրանի դեսպանը։
