Քաղաքականություն
25.03.2024 | 10:58
Ադրբեջանի ԶՈւ-ում զինծառայողի կորստի հերթական դեպքն է տեղի ունեցել։ Շամքիրի զինվորական դատախազությունը տեղեկություն է ստացել ՊՆ զորամասերից մեկի զինծառայող Էլժան Էմին օղլու Բաղիրովի ինքնասպանության մասին։ Այս մասին ադրբեջանական լրատվամիջոցներին հայտնել է զինվորական դատախազի ավագ օգնական, Զինվորական դատախազության մամուլի ծառայության ղեկավար, արդարադատության ավագ խորհրդական Ֆիրադ Ալիևը։
«Շամքիրի զինվորական դատախազությունը դեպքի առթիվ քրեական գործ է հարուցել քրեական օրենսգրքի համապատասխան հոդվածով, հարցաքննվել են վկաներ, նշանակվել են տարբեր փորձաքննություններ, կատարվել անհրաժեշտ քննչական գործողություններ։ Նախաքննությունը շարունակվում է»,- ասված է հաղորդագրության մեջ։
Հավելենք, որ օրերս էլ Ադրբեջանի ՊՆ զորամասերից մեկի սպա Շահրիյար Մուսաևն էր ինքնասպան եղել։ Երկրի զինվորական դատախազությունից հայտնել էին, որ ՊՆ N զորամասի սպան ինքնասպանություն էր գործել հրազենի գործադրմամբ։
