13.12.2025 | 15:42
Ռոնալդուն կնկարահանվի «Ֆորսաժ» ֆիլմում
Ադրբեջանում քաղբանտարկյալների թիվը մոտենում է 300-ի․ իրավապաշտպաններ
Քաղաքականություն
19.03.2024 | 16:54
«Ադրբեջանի քաղբանտարկյալների ազատության միությունը» հրապարակել է երկրում քաղբանտարկյալների ցուցակը, որոնց թիվը երեք ամսում ավելացել է 43-ով և հասել 288-ի։ Ըստ իրավապաշտպանների՝ սա Եվրոպայի խորհրդին Ադրբեջանի անդամակցության տարիների ընթացքում ամենաբարձր ցուցանիշն է։
«Լրագրողներ և բլոգերներ» խմբում հայտնվել է 9 նոր անուն, և այս կատեգորիայի քաղբանտարկյալների թիվը հասել է 20-ի։ Նրանք են՝ Թեյմուր Քարիմովը (ալիք «Kanal 11»), Իբրահիմ Գումբատովը (Azerinfo.az), Արշադ Իբրահիմովը (Dunyaninsesi.az), Հաֆիզ Բաբալին (Turan գործակալություն), Շամո Էմինովը («Kanal 13»), Էլնարա Գասիմովան (Abzas Media), Արզու Սայադօղլուն, Ալասգար Մամեդլին (Toplum TV-ի հիմնադիր), Մուշֆիգ Ջաբբարովը (Toplum TV):
«Կուսակցությունների և հասարակական կազմակերպությունների անդամներ» խմբում քաղբանտարկյալների թիվն ավելացել է 9-ով՝ հասնելով 22-ի։ Նրանք են՝ Էլնուր Հասանովը, Իլհամիզ Գուլիևը, Մոհիադդին Օրուջովը Թոֆիգ Յագուբլուն (Մուսավաթ կուակցություն ), Ակիֆ Գուրբանովը (III Հանրապետություն հարթակ), Ռուսլան Իզեթլին (III Հանրապետություն հարթակ), Ալի Զեյնալովը, Ռամիլ Բաբաևը և Իլկին Ամրահով (բոլորը՝ Ժողովրդավարական նախաձեռնությունների ինստիտուտից)։
Եվս 25 նոր քաղբանտարկյալներ հայտնվել են «հավատացյալների» կատեգորիայում։ Այժմ այստեղ կա 208 մարդ։
Քաղաբանտարկյալների ցուցակը դասակարգվում է հետևյալ խմբերի․ Լրագրողներ և բլոգերներ՝ 22 հոգի; իրավապաշտպաններ՝ 2; ընդդիմադիր կուսակցությունների և շարժումների անդամներ՝ 22; Գերմանիայից արտաքսված քաղաքական էմիգրանտներ՝ 5; հավատացյալներ ՝ 208; Տերտերի գործով դատապարտվածները՝ 7; Գյանջայի գործով դատապարտվածները՝ 13; ցմահ ազատազրկվածներ՝ 11 մարդ։
Հավելենք, որ Ադրբեջանի իշխանությունները բռնաճնշումների նոր ալիք են սկսել անկախ ու ընդդիմադիր լրագրողների, գործիչների նկատմամբ։ Նախորդ տարվա նոյեմբերից Ադրբեջանում տասնյակից ավելի լրագրողներ, հասարակական գործիչներ են ձերբակալվել։ Միջազգային կառույցներն ու իրավապաշտպանները կոչ են անում իշխանություններին ազատ արձակել նրանց։
Էմմա Չոբանյան
