07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Լուիս Բոնոն Բաքվում Բայրամովի հետ քննարկել է ՀՀ-Ադրբեջան կարգավորման գործընթացը
Քաղաքականություն
18.03.2024 | 15:47
ԱՄՆ Պետքարտուղության Կովկասյան բանակցությունների գծով ավագ խորհրդական Լուիս Բոնոն այցով Բաքվում է։ Նա հանդիպել է Ադրբեջանի ԱԳ նախարար Ջեյհուն Բայրամովի հետ։
Ըստ Ադրբեջանի ԱԳՆ-ի՝ հանդիպման ընթացքում քննարկվել են Ադրբեջանի և ԱՄՆ-ի երկկողմ ու բազմակողմ համագործակցության օրակարգն ու հեռանկարները, տարածաշրջանում տիրող իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացի մի շարք ասպեկտներ։
Բայրամովն ուշադրություն է հրավիրել Մյունխենի անվտանգության համաժողովից և Բեռլինում կայացած հանդիպումներից բխող հարցերին, խաղաղության գործընթացում Ադրբեջանի ակնկալիքների և գործընթացի շրջանակում բաց մնացած հարցերի վերաբերյալ Բաքվի դիրքորոշման ուղղությամբ։ Նշվել է խաղաղության գործընթացին Ադրբեջանի հավատարմությունը։
Հանդիպման ընթացքում կողմերը մտքեր են փոխանակել փոխադարձ հետաքրքրություն ներկայացնող այլ հարցերի շուրջ։
Հավելենք, որ ավելի վաղ Լուիս Բոնոն հանդիպումներ էր անցկացրել Երևանում։
