10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Մանվել Գրիգորյանի կալանքը երկարացվել է երկու ամսով
17.08.2018 | 10:59
Պատգամավոր Մանվել Գրիգորյանի կալանքը երկարացվել է երկու ամսով։
Այս մասին Factor.am-ի հետ զրույցում ասացին ՀՀ Գլխավոր դատախազության լրատվական ծառայությունից։
«Կալանքը երկարացնելու համար միջնորդություն էր ներկայացրել Հատուկ քննչական ծառայության քննիչը, ինչն էլ բավարարվել է», – ասացին դատախազությունից:
Հիշեցնենք, որ նախորդ ամիս Երևանի ընդհանուր իրավասության դատարանը բավարարեց ՀՀ գլխավոր դատախազի հանձնարարությամբ Մանվել Գրիգորյանին կալանավորելու վերաբերյալ միջնորդությունը:
Նշենք, որ Մանվել Գրիգորյանին մեղադրանք էր առաջադրվել ՀՀ քրեական օրենսգրքի 235 հոդվածի 1-ին եւ 2-րդ կետերով (ապօրինի կերպով զենք ռազմամթերք ձեռք բերելը կրել կամ փոխադրելը, որը կատարվել է մի խումբ անձանց կողմից նախնական համաձայնությամբ) ինչպես նաեւ ՀՀ ՔՕ 179 հոդվածի 3-րդ մասի 1-ին կետով (մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակություն):
Աղավնի Սուքիասյան
