07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
«Զանգեզուրի միջանցքը» պետք է բացվի․ Թուրքիայի նախկին վարչապետը ՀՀ-ին պահանջներ է ներկայացրել
Քաղաքականություն
14.03.2024 | 13:36
Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցության փոխնախագահ, նախկին վարչապետ Բինալի Յըլդըրըմը Բաքվում անցկացվող Գլոբալ ֆորումի շրջանակում լրագրողների հետ զրույցում Հայաստանին մի շարք անհիմն պահանջներ է հնչեցրել։
Նա նախ ասել է, թե ներկայում համաշխարհային առևտուրը տուժում է Գազայի հատվածում ստեղծված իրավիճակի հետևանքով Կարմիր ծովում առկա խնդիրների պատճառով, և որ Միջին միջանցքը համաշխարհային նշանակություն ունի, այս համատեսքտում հիշատակելով, այսպես կոչված, «Զանգեզուրի միջանցքը»։
««Զանգեզուրի միջանցքը» նույնպես պետք է բացվի։ Հայաստանը նման հնարավորություն ունի Ղարաբաղի հարցի լուծումից հետո։ Պետք է բացել սահմանները Ադրբեջանի և Թուրքիայի հետ, բացել «Զանգեզուրի միջանցքը»։ Պետք է նաև փոփոխություններ մտցվեն Հայաստանի Սահմանադրության մեջ։ Հայաստանի պետական զինանշանի վրա պատկերված են մեր հողերն ու Արարատը։ Դա պետք է վերացվի»,- հայտարարել է նա։
