07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
ԵՏՄ-ում մաքսային տարանցման միասնական համակարգի մասին համաձայնագիրը կառավարության հավանությանն արժանացավ
Տնտեսություն
14.03.2024 | 11:55
Գործադիրը չզեկուցվող հարցերի փաթեթի ընդունմամբ հավանության տվեց «Եվրասիական տնտեսական միության և երրորդ կողմի մաքսային տարանցման միասնական համակարգի մասին» համաձայնագրի ստորագրման առաջարկությանը:
Կառավարության հիմնավորմամբ՝ համաձայնագիրը թույլ կտա ստեղծել մաքսային հայտարարագրերի, հարկերի և տուրքերի վճարման, պարզեցված հսկողության անցնելու միասնական համակարգ։
Նշենք, որ համաձայնագրի նախագիծը սահմանում է ԵՏՄ և երրորդ կողմի միասնական մաքսային տարանցման համակարգի գործունեության հիմնական սկզբունքները՝ տարանցման միասնական էլեկտրոնային հայտարարագրի կիրառում, մաքսատուրքերի, հարկերի, հատուկ, հակագնագցման (հակադեմփինգային) , փոխհատուցման տուրքերի վճարման պարտավորության կատարման ընդհանուր ապահովման կիրառում։
Համաձայնագրով ընկերությունները կկարողանան անցնել նույն ընթացակարգերն ու օգտվել նույն արտոնություններից ոչ միայն իրենց երկրում, այլև ԵՏՄ ամբողջ տարածքում։
