17.02.2026 | 20:12
Լեհաստանը պատրաստվում է դատական հայց ներկայացնել՝ ՌԴ-ից փոխհատուցման պահանջով. FT
Մոսկվան կշարունակի շփումները Երևանի հետ՝ պարզաբանելու ՀԱՊԿ-ին հետագա անդամակցության հարցը․ Պեսկով
Քաղաքականություն
13.03.2024 | 14:25
Մոսկվան շարունակելու է շփումները Երևանի հետ և կպարզաբանի իրավիճակը Հավաքական անվտանգության պայմանագրի կազմակերպությանը (ՀԱՊԿ) հետագա անդամակցության հետ կապված։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
Նրան հարց են ուղղել ՀՀ վարչապետ Նիկոլ Փաշինյանի հայտարարության մասին, որ Երևանը դուրս կգա ՀԱՊԿ-ից, եթե կառույցը չկատարի իր պարտավորությունները և չի ճանաչի պատասխանատվության իր գոտին։
«Մենք լսել ենք այդ հայտարարությունները։ Իհարկե, դեռ շատ աշխատանք կա առջևում, մեզ անհրաժեշտ են շփումներ և՛ ՀԱՊԿ-ի շրջանակում, և՛ երկկողմ մակարդակով մեր հայ գործընկերների հետ։ Մենք կպարզաբանենք և կխոսենք այն հայտարարությունների շրջանակում, որոնք արել է պարոն վարչապետը»,- ասել է Պեսկովը։
Նա, միաժամանակ, չի պատասխանել հարցին, թե ինչպես են ՀԱՊԿ-ում վերաբերվում Նիկոլ Փաշինյանի այս հայտարարություններին։
«Դա պետք է հարցնել ՀԱՊԿ-ին։ Մենք չէ, որ պետք է խոսենք ՀԱՊԿ-ի անունից»,- նշել է Պեսկովը։
