12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Իրանի խորհրդարանական ընտրություններում առաջատար են կոշտ գծի կողմնակիցները
Քաղաքականություն
04.03.2024 | 17:48
Իրանի խորհրդարանական ընտրություններում առաջատար են կոշտ գծի կողմնակիցները: Իշխանությունները դեռևս չեն հրապարակել ընտրություններին մասնակցության տվյալներն ու չեն նշել դրա հետաձգման պատճառը, գրում է Euronews-ը։
Մինչ քվեարկության սկսվելը ընդդիմությունը կոչ էր արել բոյկոտել ընտրությունները, ուստի դիտորդները չեն բացառում, որ մասնակցությունը ցածր կլինի։
Մարտի 1-ի քվեարկությունն առաջինն էր 2022 թվականի զանգվածային բողոքի ցույցերից հետո՝ 22-ամյա Մախսա Ամինիի մահվան պատճառով, որը ձերբակալվել էր բարոյականության ոստիկանության կողմից ոչ պատշաճ հիջաբ կրելու համար և կարճ ժամանակ անց մահացել էր:
«Ընդհանուր առմամբ, մինչ այժմ ընտրվել է նոր խորհրդարանի 245 պատգամավոր։ Երկրորդ փուլում մնում է բաշխել 45 մանդատ, քանի որ այս ընտրատարածքներում թեկնածուները չեն կարողացել հավաքել ձայների անհրաժեշտ 20%-ը»,- հայտարարել է Իրանի ընտրական շտաբի ներկայացուցիչ Մոհսեն Էսմալին։
Երկրորդ փուլը պետք է կայանա ապրիլին կամ մայիսին։
Ընտրված 245 քաղաքական գործիչներից 200-ը կոշտ քաղաքականության կողմնակիցներ են, իսկ 45-ը՝ համեմատաբար չափավոր կամ անկախ՝ ըստ AP-ի: Իրանի նոր խորհրդարանում ընդամենը 11 կին կլինի։
