22.11.2024 | 11:11
Գորիսի ավագ դպրոցի երեխաները յուրացնում են անտառվերականգնման հմտությունները․ ՄԱԿ ՊԳԿ-ն դասընթաց է կազմակերպել
«Ռոսսելխոզնադզոր»-ն այժմ էլ «խախտումներ է հայտնաբերել» Հայաստանից արտահանված ձկնկիթում
Քաղաքականություն
01.03.2024 | 17:30
«Ռոսսելխոզնադզորը» լաբորատոր մոնիտորինգի ընթացքում «խախտումներ է հայտնաբերել Հայաստանից կարմիր ձկնկիթի և Բելառուսից մսամթերքի մատակարարման հարցում», գրում է Ինտերֆաքսը։ Գերատեսչությունը հայտարարել է, որ հայկական Max Fish ընկերության կարմիր ձկնկիթում «կոլիֆորմ բակտերիաներ են հայտնաբերվել»։ Որոշվել է ժամանակավոր սահմանափակումներ դնել ձեռնարկությունից մատակարարումների վրա։
Հավելենք, որ ավելի վաղ «Ռոսպոտրեբնադզորն» էր դադարեցրել Հայաստանից «Ջերմուկ» հանքային ջրի մի քանի խմբաքանակի վաճառքը։ Ռուսական լրատվամիջոցները, վկայակոչելով Հյուսիսային Օսիայի ղեկավար Սերգեյ Մենյայլոյին, գրել էին, թե Վլադիկավկազի 65-ամյա բնակիչը, իբր, կերակրափողի այրվածք է ստացել, երբ խմել է «Ջերմուկ» հանքային ջրի չբացված շշի պարունակությունը, որն ավելի ուշ պարզվել է՝ քացախ է։ «Ռոսպոտրեբնադզոր»-ի փոխանցմամբ՝ կասեցվել էր 2023 թվականի դեկտեմբերի 28-ից Ռուսաստան ներկրված կես լիտրանոց ապակե շշերի մեջ փաթեթավորված «Ջերմուկ» հանքային ջրի խմբաքանակների վաճառքը՝ նույն արտադրության ամսաթվով։
Այս առնչությամբ ՀՀ ՍԱՏՄ-ից հայտնել էին, որ ռուսական կողմի ահազանգից հետո «Ջերմուկ Գրուպ»-ում վերստուգում է եղել, որի արդյունքում արձանագրվել է՝ «Ջերմուկի» պարունակության մեջ չի կարող քացախ լինել, դա նաև տեխնիկապես հնարավոր չէ:
Փաշինյանը ցուցադրաբար անցել է «Ջերմուկ»-ի ՌԴ-ի «ահազանգից» հետո
