18.02.2026 | 10:47
Այսօր սպասում ենք այս փետրվարի ամենատաք օրերից մեկը. Գագիկ Սուրենյան
Խաղաղության պայմանագիրը ՀՀ-ն և Ադրբեջանը պետք է ստորագրեն, դա կապված չէ Փարիզի և Բրյուսելի հետ․ Հիքմեթ Հաջիև
Քաղաքականություն
01.03.2024 | 15:53
Խաղաղությունը Բաքվի և Երևանի միջև է, ոչ թե Փարիզի, Բրյուսելի կամ այլ վայրերի։ Երկու երկրները պետք է համախմբվեն և խաղաղության պայմանագիր կնքեն։ Այս մասին Անթալիայի դիվանագիտական ֆորումում ընթացող «Խաղաղություն, զարգացում և փոխկապակցվածություն Հարավային Կովկասում» պանելային քննարկմանը հայտարարել է Ադրբեջանի նախագահի օգնական Հիքմեթ Հաջիևը։
Նա ասել է, թե խաղաղության պայմանագիրը «չպետք է ստորագրվի միայն ստորագրման համար, այլ իրական մտադրություն է անհրաժեշտ խաղաղության հասնելու համար»։ Ըստ Հաջիևի՝ Ադրբեջանը ցանկանում է վերափոխել Հարավային Կովկասի տարածաշրջանը և այն դարձնել խաղաղության, անվտանգության և համագործակցության տարածաշրջան։
«Մեր քաղաքականությունը ոչ թե դրսի ուժերի, այլ տարածաշրջանային համագործակցության մասին է՝ առանց արտաքին գործոնների։ Մենք Հայաստանից սպասում ենք հստակ պատասխաններ սահմանադրական կարգավորումների, միացման և այլ իրավական կարգավորումների մասին»,- ասել է Հաջիևը:
