17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
Վահագն Խաչատուրյանը շնորհավորական ուղերձ է հղել Լիտվայի նախագահ Գիտանաս Նաուսեդային
Քաղաքականություն
16.02.2024 | 10:58
Հանրապետության նախագահ Վահագն Խաչատուրյանը շնորհավորական ուղերձ է հղել Լիտվայի Հանրապետության նախագահ Գիտանաս Նաուսեդային ազգային տոնի՝ Անկախության օրվա կապակցությամբ․ տեղեկացնում են ՀՀ նախագահի աշխատակազմից։
«Հայաստանը մեծապես կարևորում է Լիտվայի հետ համագործակցության զարգացումն ու ընդլայնումն ինչպես երկկողմ ձևաչափով, այնպես էլ Հայաստան-Եվրամիություն գործընկերության շրջանակում:
Բարձր ենք գնահատում Հայաստանում ժողովրդավարական բարեփոխումների գործընթացին և տարածաշրջանում հարատև խաղաղության ու կայունության հաստատմանն ուղղված Լիտվայի շարունակական ջանքերը:
Ջերմությամբ եմ հիշում նախորդ տարվա գարնանը Լիտվա կատարած այցի շրջանակներում կայացած մեր հանդիպումը և կառուցողական երկխոսությունը:
Լիահույս եմ, որ համատեղ ջանքերով հայ-լիտվական օրակարգը կհարստացնենք նոր նախաձեռնություններով և ծրագրերով՝ ի շահ մեր ժողովուրդների»,– մասնավորապես ասվում է նախագահ Խաչատուրյանի ուղերձում:
