15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
ԱՄՆ-ը պատրաստ է այս տարի արգելել Ռուսաստանից ուրանի մատակարարումները
Քաղաքականություն
12.02.2024 | 21:19
«Ռոսատոմը» շուտով կարող է կորցնել իր խոշորագույն արտահանման շուկաներից մեկը՝ տարեկան մինչև 1 միլիարդ դոլար՝ ռուսական ուրանի նկատմամբ ԱՄՆ-ի էմբարգոյի հետևանքով։ Դեկտեմբերին ԱՄՆ երկու կուսակցությունների կոնգրեսականների կողմից հաստատվել է բեռնափոխադրումների արգելման օրինագիծը։ Դրան աջակցում է ԱՄՆ Միջուկային էներգիայի ինստիտուտը՝ ոլորտի առևտրային ասոցիացիան, և նախատեսվում է, որ այն վերջնական տեսքի կբերվի այս տարի, գրում է Financial Times-ը:
Իսկ ուրանի հարստացման արևմտյան խոշորագույն ընկերության գլխավոր տնօրենն ասել է, որ այն ի վիճակի է ամբողջությամբ փոխարինել ռուսական մատակարարումները։
«Կարճաժամկետ հեռանկարում արևմտյան աշխարհում ռուսական նյութերի փոխարինման սահմանափակումներ չկան։ Պարզապես չկա։ Շուկան ավելի մեծ անկախության և, իհարկե, իշխանությունների կողմից հստակ ուղենիշների կարիք ունի։ Դրան կօգնի ԱՄՆ-ում առաջարկվող օրենսդրությունը»,- Financial Times-ին տված հարցազրույցում ասել է բրիտանա-հոլանդական Urenco-ի գործադիր տնօրեն Բորիս Շուխտը:
