08.07.2026 | 22:24
Հայաստանի մի շարք հասցեներում էլեկտրաէներգիայի անջատումներ կլինեն
Դատախազությունը պահանջում է կրկին կալանավորել Գրիգորի Խաչատուրովին. վճռաբեկ բողոք է ներկայացվել
Հասարակություն
08.01.2024 | 16:48
Գլխավոր դատախազությունը Վճռաբեկ դատարան բողոք է ներկայացրել՝ պահանջելով կրկին կալանավորել գեներալ-մայոր Գրիգորի Խաչատուրովին։ Այս մասին Factor.am-ին հայտնեցին գերատեսչությունից՝ այլ մանրամասներ չհաղորդելով։
Հիշեցնենք՝ Վերաքննիչ հակակոռուպցիոն դատարանը՝ դատավոր Արմեն Հովհաննիսյանի նախագահությամբ, մասնակի բավարարել էր Գրիգորի Խաչատուրովի կալանավորման ժամկետը երկարացնելու որոշման դեմ բողոքը՝ նրա նկատմամբ ընտրված խափանման միջոց կալանավորումը փոխարինելով վարչական հսկողությամբ և գրավով՝ 20 մլն դրամի չափով։
Հենց այս որոշման դեմ է Դատախազությունը վճռաբեկ բողոք ներկայացրել՝ պահանջելով բեկանել խափանման միջոցի փոփոխման որոշումը։
Քրեական գործը վերաբերում է հողատարածքի օտարմանը։ Գրիգորի Խաչատուրովի նկատմամբ քրեական հետապնդում է հարուցվել՝ պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացում) հատկանիշներով:
Ռոզա Վարդանյան
