31.05.2026 | 16:05
Կոչ ենք անում քաղաքական ուժերին հեռու պահել մեր ժողովրդին հնարավոր անցանկալի զարգացումներից․ Գարեգին Բ
Հայաստանի կառավարության խորին կարեկցանքն եմ փոխանցել․ Քերոբյանն այցելել է ՀՀ-ում Իրանի դեսպանություն
Քաղաքականություն
05.01.2024 | 13:11
Հունվարի 5֊ի առավոտյան այցելել եմ Երևանում Իրանի Իսլամական Հանրապետության դեսպանություն` հայտնելու մեր ցավակցությունները Իրանի Քերման քաղաքում վերջերս տեղի ունեցած ահաբեկչական հարձակման վերաբերյալ: Այս մասին Ֆեյսբուքի իր էջում գրում է Էկոնոմիկայի նախարար Վահան Քերոբյանը։
«Այս առիթով ես Հայաստանի կառավարության խորին կարեկցանքն եմ փոխանցել Իրանի ժողովրդին և այս ողբերգությունից տուժած ընտանիքներին։ Կարևորելով երկու ժողովուրդների միջև ընդհանուր արժեքներն ու փոխըմբռնումը, ընդգծել եմ Հայաստանի դիրքորոշումն ահաբեկչության դեմ` իր բոլոր ձևերով։
Իրանի Իսլամական Հանրապետության դեսպանը և ներկայացուցիչները ողջունել են այս համերաշխության ժեստը։ Երկխոսության ընթացքում ընդգծվեց միջազգային համագործակցության կարևորությունը ահաբեկչության դեմ պայքարում և տարածաշրջանային անվտանգության պահպանման գործում:
Հանդիպման ընթացքում վերահաստատվեց երկկողմ հանձնառությունը` հարաբերությունների ամրապնդման և տարածաշրջանում խաղաղության և կայունության ուղղությամբ համատեղ աշխատանքի համար: Իմ այս այցը Իրանի դեսպանատուն կարևոր քայլ էր՝ դրսևորելու Հայաստանի աջակցությունն Իրանին դժվարին ժամանակահատվածում՝ ամրապնդելով երկու երկրների միջև հարատև բարեկամությունը»,- գրել է նա։
