29.04.2026 | 16:42
ԵԱ․ Հունահռոմեական ոճի ըմբշամարտի Հայաստանի հավաքականի ամփոփումը․ ՏԵՍԱՆՅՈՒԹ
Վերահաստատել ենք ԵՄ-ի ամուր աջակցությունը Հայաստանին․ Բելգիայի ԱԳ նախարարը՝ Արարատ Միրզոյանի հետ հանդիպման մասին
Քաղաքականություն
11.12.2023 | 13:54
Բելգիայի ԱԳ նախարար Հաջա Լահբիբն անդրադարձել է ԵՄ արտաքին գործների նախարարների խորհրդի հանդիպմանը, որին մասնակցել է նաև ՀՀ ԱԳ նախարար Արարատ Միրզոյանը։
«Հաճելի էր հանդիպել Հայաստանի ԱԳ նախարար Արարատ Միրզոյանին ԵՄ արտաքին գործների նախարարների խորհրդի շրջանակում։ Մենք վերահաստատեցինք ԵՄ ամուր քաղաքական աջակցությունը Հայաստանին և ուսումնասիրեցինք համագործակցության ընդլայնման հնարավորությունները՝ խթանելու կայուն խաղաղությունը տարածաշրջանում»,- գրել է Բելգիայի ԱԳ նախարարը X-ի իր միկրոբլոգում։
Հիշեցնենք, որ այսօր Բրյուսելում ՀՀ ԱԳ նախարար Արարատ Միրզոյանը մասնակցել է ԵՄ արտաքին գործերի նախարարների խորհրդի ձևաչափով հանդիպմանը։ Միրզոյանը հրավիրվել էր մասնակցելու հանդիպմանը՝ քննարկելու Հայաստանի հետ ավելի խորը գործընկերության, ինչպես նաև տարածաշրջանում տևական կայունության հաստատման հեռանկարները։
Էմմա Չոբանյան
