16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Իսրայելի վարչապետը ՀԱՄԱՍ-ի զինյալներին կոչ է արել հանձնվել
Քաղաքականություն
11.12.2023 | 11:11
Իսրայելի վարչապետ Բենիամին Նեթանյահուն ՀԱՄԱՍ-ի զինյալներին կոչ է արել անհապաղ վայր դնել զենքերը։ Ըստ DW-ի ռուսական ծառայության՝ Նեթանյահուն հայտարարել է, որ «վերջին օրերին գերի հանձնվելու բազմաթիվ դեպքերը ցույց են տալիս, որ արմատական իսլամիստական կազմակերպությունը մոտ է իր վախճանին»։
«Նրանք վայր են դնում զենքերը և հանձնվում մեր հերոս զինվորներին: Պատերազմը շարունակվում է, բայց սա ՀԱՄԱՍ-ի վերջի սկիզբն է։ Ես ասում եմ ՀԱՄԱՍ-ի ահաբեկիչներին. սա վերջն է։ Անմիջապես հանձնվեք», – ասվում է Իսրայելի վարչապետի հայտարարության մեջ:»
Նեթանյահուն թեև խոսել է տասնյակ գերի հանձնվածների մասին, սակայն իսրայելացի զինվորականները դրա վերաբերյալ ապացույց դեռ չեն ներկայացրել, իսկ ՀԱՄԱՍ-ը հերքում է այդ պնդումները:
Կիրակի օրը Իսրայելի պաշտպանության բանակի տվյալներով՝ Գազայի հատվածում 24 ժամվա ընթացքում հարձակման է ենթարկվել ավելի քան 250 թիրախն, այդ թվում՝ «ՀԱՄԱՍ»-ի ռազմական կապի օբյեկտները և ստորգետնյա թունելները Գազայի հատվածի հարավում։
Իսրայելի պաշտպանության բանակի հաղորդագրության համաձայն նրանք ոչնչացրել են «Շեջայա» գումարտակի նոր հրամանատար Էմադա Կրիկային: Իսրայելի տվյալներով՝ Գազայի հատվածում մինչև այժմ 98 զինվոր է զոհվել, մոտ 600-ը՝ վիրավորվել։ Իսրայելը նշում է, որ սպանված զինյալների թիվը հասնում է 7000-ի։
ՀԱՄԱՍ-ի զինված թևի խոսնակ Աբու Օբեյդան ավելի վաղ հայտնել էր, որ իսրայելական զորքերի դեմ ռազմական գործողությունները շարունակվելու են։ «Չնայած բոլոր փորձերին, Իսրայելի պաշտպանության բանակի զինվորները չեն կարողանում կոտրել ՀԱՄԱՍ-ի դիմադրությունը»,- կիրակի ասել էր նա տեղական հեռուստատեսությամբ:
