02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Սի Ցզինպինը հայտարարել է Չինաստանի և ԵՄ-ի միջև գործընկերության զարգացման անհրաժեշտության մասին
Քաղաքականություն
07.12.2023 | 16:16
Չինաստանի նախագահ Սի Ցզինպինը Պեկինում Եվրոպական խորհրդի նախագահ Շառլ Միշելի և Եվրահանձնաժողովի նախագահ Ուրսուլա ֆոն դեր Լեյենի հետ հանդիպման ժամանակ նշել է, որ Չինաստանն ու ԵՄ-ն պետք է գործընկերներ լինեն և մշտապես ամրապնդեն երկկողմ քաղաքական վստահությունը, հայտնում է Չինաստանի ԱԳՆ-ն։
Սին նշել է երկու կողմերի միջև բարձր մակարդակի երկխոսության առաջընթացը՝ ասելով, որ Չինաստանի կառավարության և ԵՄ կառույցների փոխգործակցությունը նշանակալի արդյունքներ է բերել ռազմավարական, առևտրային, տնտեսական, բնապահպանական և թվային ոլորտներում։
«Չինաստանի ու ԵՄ-ի միջև հարաբերություններն ունեն ամրապնդման և աճի լավ թափ»,- նշել է Չինաստանի ղեկավարը։
Ըստ նրա՝ Չինաստանն ու Եվրոպան, որպես երկու հիմնական ուժեր, խթանում են բազմաբևեռությունը, աջակցում են գլոբալիզացիային և պաշտպանում են բազմազանությունը:
«Չինաստանի ու Եվրոպայի միջև հարաբերություններն էական նշանակություն ունեն գլոբալ խաղաղության, կայունության և բարգավաճման համար: Մեր պարտականությունն է՝ ապահովել ավելի մեծ կայունություն աշխարհի համար, ավելի ուժեղ խթան զարգացման համար և ավելի մեծ աջակցություն գլոբալ կառավարման համար»,- ասել է Սի Ցզինպինը:
Այս տարի լրանում է Չինաստան-ԵՄ Համապարփակ ռազմավարական գործընկերության 20-ամյակը, հիշեցրել է նա։
«Չինաստանը և ԵՄ-ն պետք է գործընկերներ լինեն փոխշահավետ համագործակցության համար: Մեզ անհրաժեշտ է մշտապես ամրապնդել երկկողմ քաղաքական վստահությունը, ձևավորել ռազմավարական կոնսենսուս և ամրապնդել համագործակցությունն ընդհանուր հետաքրքրություն ներկայացնող ոլորտներում»,- նշել է Չինաստանի ղեկավարը:
