16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
Ղրղզստանը խոստացել է հետևել ՌԴ-ի դեմ արևմտյան պատժամիջոցներին
Քաղաքականություն
07.12.2023 | 20:13
Ղրղզստանի արտաքին գործերի նախարար Ժենբեկ Կուլուբաևը հայտարարել է, որ ՀԱՊԿ և ԵՏՄ անդամ հանդիսացող երկիրը համաձայնել է Ռուսաստանի դեմ պատժամիջոցները կատարելու՝ Եվրամիության խնդրանքին։ Սակայն, ըստ նրա, միշտ չէ, որ հնարավոր է հետևել պահանջների պահպանմանը, փոխանցում է Կոմերսանտը։
«Մենք չենք կարող աջակցել Ռուսաստանին կամ Ուկրաինային հակամարտությունում, ուստի, հնարավորության դեպքում, մենք կհետևենք պատժամիջոցներին, քանի որ որոշ ապրանքներ կարող են վերաբերել ռազմական արդյունաբերությանը»,- ասել է Կուլուբաևը։
Նա հավելել է, որ Ղրղզստանը միաժամանակ համագործակցում է Ռուսաստանի, Ուկրաինայի և Եվրամիության երկրների հետ։ Բիշքեկը, ըստ Ժենբեկ Կուլուբաևի, պայմանավորվածություններ ունի Մոսկվայի դեմ պատժամիջոցները պահպանելու վերաբերյալ, մինչդեռ Ռուսաստանը մնում է երկրի հիմնական առևտրային գործընկերը։
Հոկտեմբերին Լյուքսեմբուրգում տեղի է ունեցել Եվրամիության և Կենտրոնական Ասիայի երկրների արտգործնախարարների հանդիպումը, որի ժամանակ կողմերը պայմանավորվել են շարունակել համագործակցությունը՝ ՌԴ-ի դեմ սահմանափակումների շրջանցումը կանխելու համար։
