Գեղարքունիքի մարզպետն ընդունել է ՄԱԿ-ի ՊՀԾ Հայաստանյան գրասենյակի ղեկավարին և ՀԱՓԿ-ի տնօրենին

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Գեղարքունիքի մարզպետ Կարեն Սարգսյանն ընդունել է ՄԱԿ-ի Պարենի համաշխարհային ծրագրի Հայաստանյան գրասենյակի ղեկավար Նաննա Սկաուին, «Հումանիտար ականազերծման և փորձագիտական կենտրոն» ՊՈԱԿ տնօրեն Վաղինակ Սարգսյանին, ծրագրի և կենտրոնի այլ պատասխանատու աշխատակիցների։

Ինչպես տեղեկացրին Գեղարքունիքի մարզպետի աշխատակազմից, հյուրերը հանդիպման սկզբում ներկայացրել են իրենց համագործակցությամբ մարզում իրականացվող այն աշխատանքների մասին, որոնք ուղղված են 2022 թվականին Ադրբեջանի ԶՈՒ ագրեսիայի հետևանքով չպայթած զինամթերքով աղտոտված տարածքների մաքրմանը։

Ծրագրի շրջանակներում «Հումանիտար ականազերծման և փորձագիտական կենտրոնի» կողմից 2023 թվականին Գեղարքունիքի մարզի Գեղամասար բնակավայրում հրազենային բեկորներից և պայթյունավտանգ մնացորդներից մաքրվել է շուրջ 14 600, Սոթք բնակավայրում` շուրջ 5370 քառակուսի մետր տարածք։

Հրետակոծությունից տուժած տնտեսությունների սոցիալական վիճակը բարելավելու նպատակով Պարենի համաշխարհային ծրագրի կողմից նշյալ մաքրված տարածքներում նաև իրականացվում են սոցիալ-տնտեսական զարգացման ծրագրեր՝ ուշադրության կենտրոնում հատկապես ունենալով պարենային, էներգետիկ և ջրային ռեսուրսների ապահովման և դրանց հետ կապված անվտանգության հարցերը։

Հանդիպման ընթացքում կողմերը քննարկել են նաև տվյալ ծրագրի շրջանակներում բիզնես գաղափարի իրագործմանն ուղղված տարբերակները, որոնք կարող են ծառայել սահմանամերձ բնակավայրերի կարիքավոր ընտանիքների տնտեսական խնդիրների բարելավմանը։

Գեղարքունիքի մարզպետ Կարեն Սարգսյանն իր գոհունակությունն է հայտնել մարզի սահմանային բնակավայրերում նման ծրագրեր իրականացնելու համար՝ բարձր գնահատելով կողմերի հետ ունեցած արդյունավետ համագործակցությունը։

Հանդիպման ավարտին անդրադարձ է կատարվել ՄԱԿ-ի ՊՀԾ-ի կողմից մարզում ներդրված «Ամբողջահատիկ արժեշղթա» ծրագրին, որը ներդրվելու է «Դպրոցական սնունդ» ծրագրում։ Ծրագրի գործարկման նպատակով արդեն բավարար նախապատրաստական աշխատանքներ են իրականացվել, և մոտ ապագայում մարզի հանրակրթական դպրոցները հնարավորություն կունենան օգտվել ամբողջահատիկ ցորենով թխված հացամթերքից։