02.11.2024 | 13:33
Հրդեհ Աքորի գյուղում, այրվել է տան տանիք
Օ՛Բրայենը Բաքվում Ալիևի հետ առաջին հանդիպումը կառուցողական է անվանել
Քաղաքականություն
06.12.2023 | 18:05
Ադրբեջանի նախագահ Իլհամ Ալիևն այսօր Բաքվում ընդունել է ԱՄՆ պետքարտուղարի եվրոպական ու եվրասիական հարցերով տեղակալ Ջեյմս Օ՛Բրայենին։ Հանդիպումից մանրամասներ ադրբեջանական կողմը դեռևս չի հաղորդում։
Մինչ այդ, ԱՄՆ պետքարտուղարի տեղակալը հանդիպումը կառուցողական է գնահատել։
«Կառուցողական առաջին զրույցը Ադրբեջանի նախագահի հետ՝ ԱՄՆ-Ադրբեջան հարաբերությունների ապագայի քննարկմամբ։ Տարածաշրջանում կայուն, արժանապատիվ խաղաղության հաստատումը պատմական հնարավորություններ կբացի»,- գրել է O՛Բրայենը X-ում։
Հավելենք, որ ավելի վաղ Ջեյմս Օ՛Բրայենը Սենատում Լեռնային Ղարաբաղի ապագային նվիրված լսումներում հայտարարել էր, որ սեպտեմբերի 19-ի ագրեսիայից հետո Բաքվի հետ հարաբերությունները չեն լինի նախկինի պես, քանի դեռ Ադրբեջանն առաջընթաց չի գրանցել Հայաստանի հետ խաղաղության բանակցություններում։
Պաշտոնական Բաքուն կոշտ էր արձագանքել Միացյալ Նահանգներին՝ հրաժարվելով նոյեմբերի 20-ին Վաշինգտոնում նախատեսված Հայաստանի հետ բանակցություններից։
Էմմա Չոբանյան
