15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
ՀԱՊԿ ԽՎ նիստին Հայաստանի չներկայանալը չի ազդի ՀՕՊ միասնական համակարգ ստեղծելու որոշման վրա
Քաղաքականություն
06.12.2023 | 16:54
Հավաքական անվտանգության պայմանագրի կազմակերպության խորհրդարանական վեհաժողովի (ՀԱՊԿ ԽՎ) նիստին հայկական պատվիրակության բացակայությունը չի ազդի ՀՕՊ միասնական համակարգ ստեղծելու որոշման վրա։ Լրագրողներին այս մասին ասել է ՌԴ փոխարտգործնախարար Ալեքսանդր Պանկինը, գրում է ՏԱՍՍ-ը։
«Գագաթնաժողովին նրանց ֆիզիկական բացակայությունը մեծապես չի դանդաղեցնում այլ անդամ երկրների կողմից կոլեկտիվ փաստաթղթերի ընդունման շուրջ համաձայնեցման գործընթացները, որին նրանք շատ դեպքերում միանում են»,- ասել է Պանկինը՝ պատասխանելով հարցին՝ արդյո՞ք Հայաստանի չմասնակցելը ՀԱՊԿ գագաթնաժողովին կանդրադառնա հակաօդային պաշտպանության միասնական համակարգ ստեղծելու ծրագրերի վրա։
Հիշեցնենք՝ ավելի վաղ հայտնի դարձավ, որ Հայաստանի խորհրդարանի նախագահ Ալեն Սիմոնյանը չի մասնակցելու ՀԱՊԿ Խորհրդարանական վեհաժողովի նիստին, որը նախանշված է դեկտեմբերի 19-ին Մոսկվայում։
