18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Առանց ԱՄՆ-ի ռազմական օգնության Ուկրաինան կարող է պարտվել պատերազմում․ Անդրեյ Երմակ
Քաղաքականություն
06.12.2023 | 13:48
Ուկրաինայի նախագահի աշխատակազմի ղեկավար Անդրեյ Երմակը զգուշացրել է, որ առանց ամերիկյան ռազմական նոր մատակարարումների՝ երկիրը կանգնած է Ռուսաստանի դեմ պատերազմում պարտվելու մեծ վտանգի առաջ, գրում է BBC-ի ռուսական ծառայությունը։
«Մեզ համար դժվար կլինի պահպանել նույն դիրքերը և պարզապես գոյատևել»,- նշել է նա՝ ելույթ ունենալով Վաշինգտոնում ԱՄՆ Խաղաղության ինստիտուտում:
Երմակի հայտարարությունը հնչել է երկուշաբթի Սպիտակ տան կողմից Ուկրաինային լրացուցիչ օգնություն ապահովելու նոր ջանքերի ֆոնին: Միևնույն ժամանակ, Կոնգրեսը դեռևս մոտ չէ փոխզիջումային գործարքին, որը թույլ կտա Կիևի ռազմական ջանքերի հետագա ֆինանսավորումը:
Սպիտակ տան վարչական-բյուջետային ծառայության տնօրեն Շալանդա Յանգն իր հերթին զգուշացրել է, որ եթե Կոնգրեսը չհաստատի Ուկրաինային լրացուցիչ ռազմական օգնությունը մինչև տարեվերջ, դա կխաթարի Ռուսաստանի դեմ պայքարում երկրի ջանքերը, և որ «կախարդական կաթսա» չի մնացել, որից կարող են լրացուցիչ միջոցներ տրամադրվել։
