15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
ՀԱՄԱՍ-ը գրոհել է Իսրայելի միջուկային օբյեկտը․ The New York Times
Քաղաքականություն
05.12.2023 | 19:40
Պաղեստինյան ՀԱՄԱՍ ահաբեկչական խմբավորումը հոկտեմբերի 7-ին Իսրայելի վրա հարձակման ժամանակ հրթիռով հարձակվել է Երուսաղեմից 42 կմ հեռավորությամբ գտնվող Սդոտ Միխա ռազմաբազայի վրա, որտեղ պահվում է իսրայելական միջուկային զենքը։ Այս մասին հայտնում է The New York Times-ը։
Ամերիկացի գիտնականների ֆեդերացիայի միջուկային տեղեկատվության նախագծի տնօրեն Հանս Քրիստենսենն ասել է, որ տարածքում, հնարավոր է, տեղակայված են եղել 25-ից 50 իսրայելական Jericho միջուկային զենքի արձակման կայաններ: Սակայն միջուկային զենքը, ամենայն հավանականությամբ, չի տուժել, թեև հրթիռային հարվածից բռնկում է սկսվել մոտակա տարածքում։
«Այդ մարտագլխիկները, ամենայն հավանականությամբ, պահվում են բազայից մի փոքր հեռու գտնվող առանձին վայրում, ուստի հարձակման ժամանակ դրանք վտանգի տակ չեն եղել»,- ասել է փորձագետը։
Սա առաջին հայտնի դեպքն է, երբ Իսրայելի հակառակորդները հարվածներ են հասցրել այն վայրին, որտեղ կարող էր պահվել Թել Ավիվի միջուկային զենքը: Արդյո՞ք հարվածը պատահական է եղել, թե՞ ՀԱՄԱՍ-ը հստակ իմացել է նպատակակետը, դեռևս հայտնի չէ:
