23.07.2026 | 21:40
Ֆրանսիայում, Իտալիայում և Իսպանիայում անտառային հրդեհների դեմ պայքար է․ Ֆրանսիայի հարավում ավելի քան 10,000 մարդ է տարհանվել
Ռուսաստանի հետ պատերազմը նոր փուլ է թևակոխել. Զելենսկի
Քաղաքականություն
01.12.2023 | 16:56
Ուկրաինայի նախագահ Վլադիմիր Զելենսկին հայտարարել է, որ Ռուսաստանի հետ պատերազմը թևակոխել է նոր՝ «ձմեռային» փուլ։ Երկրի ղեկավարը գոհ է, որ Ուկրաինայի զինված ուժերը չեն նահանջում ռուս զավթիչների առաջ։ Այս մասին նա հայտարարել է AP-ին տված հարցազրույցում։
«Մենք ունենք պատերազմի նոր փուլ, և դա փաստ է։ Ձմեռն ընդհանուր առմամբ պատերազմի նոր փուլ է»,- ասել է Զելենսկին։
Ուկրաիանայի նախագահի խոսքով՝ ձմեռը կբարդացնի ռազմական գործողություններն ամառային հակահարձակումից հետո, որի արդյունքում ցանկալի արդյունքներ հնարավոր չեղավ ապահովել՝ ցամաքային զորքերի մշտական պակասի պատճառով: Այնուամենայնիվ, չնայած անհաջողություններին՝ Զելենսկին ասել է, որ Ուկրաինան չի հանձնվի:
«Տեսեք՝ մենք չենք նահանջում, ես գոհ եմ։ Մենք կռվում ենք աշխարհի երկրորդ (լավագույն) բանակի հետ, ես գոհ եմ։ Մենք կորցնում ենք մարդկանց, ես գոհ չեմ։ Մենք չենք ստացել այն բոլոր զենքերը, որ ուզում էինք, բայց ես չեմ կարող շատ բողոքել»,- հավելել է նա:
