Հասարակություն
01.12.2023 | 16:25
ՌԴ մարդու իրավունքների հանձնակատարի գրասենյակն ավելի քան վեց տոննա մարդասիրական բեռ է ուղարկել Լեռնային Ղարաբաղի Հանրապետությունից բռնի տեղահանվածներին։
«Վեց տոննա բեռ ենք հավաքել՝ մանկական հիգիենայի պարագաներ, սարքավորումներ, հագուստ, մակարոնեղեն, մանկական մահճակալներ։ Կարծում եմ՝ այս ամենն օգտակար կլինի այն մարդկանց համար, որոնք հայտնվել են կյանքի դժվարին, սարսափելի իրավիճակում, երբ տուն չունեն»,- ասել է Մոսկալկովան։
Նա նշել է, որ կապի մեջ է Հայաստանի և Ադրբեջանի մարդու իրավունքների պաշտպանների հետ։
Մոսկալկովան նաև ասել է, որ իր գրասենյակը պատրաստ է օգնություն ցուցաբերել կորցրած փաստաթղթերը վերականգնելու և բաժանված ընտանիքների վերամիավորման հարցում։
Էմմա Չոբանյան
