24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Մոսկվայում ադրբեջանցիներին պատկանող շուկայում խոշոր հրդեհ է բռնկվել․ տուժածներ կան
Քաղաքականություն
01.12.2023 | 15:14
Մոսկվայի հարավ-արևելքում գտնվող «Սադովոդ» շուկայում խոշոր հրդեհ է բռնկվել։ Հաղորդվում է, որ մարդկանց տարհանում են տարածքից։ Դեպքի վայր են ժամանել արտակարգ ծառայությունները։ ԱԻՆ-ը վտանգի երկրորդ աստիճան է սահմանել։
Հրապարակված կադրերում թանձր ծուխ է երևում։ Ականատեսները պատմել են, որ կրակը շատ արագ է տարածվում։ Նրանք նաև նշել են, որ շենքում շատ մարդիկ կան։
Baza տելեգրամ-ալիքի տվյալներով՝ հրդեհից երկու մարդ է տուժել։
Հրդեհը սկսվել է 20-րդ գծի 86 տաղավարից։ Պահեստի տարածքի վերին հարկերում հրդեհի տարածման վտանգ կա։
«Սադովոդ» առևտրի համալիրը պատկանում է «Киевская площадь» ընկերությանը, որի սեփանանատերերը ադրբեջանցի միլիարդատերեր Գոդ Նիսանովն ու Զարախ Իլիևն են։
Շուկան զբաղեցնում է 40 հա տարածք և ներառում է 9,5 հազար խանութ։ Այն տարեկան շուրջ 36,5 միլիոն հաճախորդ է ունենում։
Էմմա Չոբանյան
