23.07.2026 | 21:40
Ֆրանսիայում, Իտալիայում և Իսպանիայում անտառային հրդեհների դեմ պայքար է․ Ֆրանսիայի հարավում ավելի քան 10,000 մարդ է տարհանվել
Հայաստանն ինքնիշխան երկիր է․ Պեսկովը՝ հայ-բրիտանական ռազմական համագործակցության մասին
Քաղաքականություն
30.11.2023 | 13:39
Մոսկվան Երևանին համարում է դաշնակից և ծրագրում է զարգացնել նրա հետ բարեկամական հարաբերությունները։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Հայաստանի և Մեծ Բրիտանիայի միջև 2023-2024 թվականների պաշտպանական համագործակցության ծրագիր ստորագրելու մասին հարցը, գրում է ՏԱՍՍ-ը։
«Հայաստանն ինքնիշխան երկիր է, որը զարգացնում է երկկողմ հարաբերություններն այն երկրների հետ, որոնց հետ նպատակահարմար է համարում։ Մենք Հայաստանի հետ ունենք մեր հարաբերությունները։ Իհարկե, Հայաստանը բարեկամական երկիր է, մեր դաշնակիցը։ Եվ մենք շարունակելու ենք զարգացնել մեր դաշնակցային հարաբերությունները»,-նշել է Կրեմլի խոսնակը։
Հիշեցնենք, որ նոյեմբերի 28-ին Լոնդոնում տեղի են ունեցել հայ-բրիտանական 6-րդ պաշտպանական ռազմավարական խորհրդակցությունները։ Կողմերը հանգամանորեն քննարկել են երկկողմ ռազմական համագործակցության ներկայիս ընթացքն ու զարգացման հեռանկարները։
Երկուստեք արձանագրվել է մի շարք նոր ոլորտներում առկա համագործակցային զգալի ներուժը և այն կյանքի կոչելու պատրաստակամությունը, որոնց շուրջ ձեռք են բերվել պայմանավորվածություններ։ Խորհրդակցությունների արդյունքում ՀՀ ՊՆ պաշտպանական քաղաքականության ու միջազգային համագործակցության վարչության պետ Լևոն Այվազյանը և ՄԹ Պաշտպանության նախարարության Ռուսաստանի, Արևելյան Եվրոպայի և Կենտրոնական Ասիայի քաղաքականության հարցերով տնօրեն Դեյվիդ Մորգանը ստորագրել են պաշտպանության ոլորտում հայ-բրիտանական համագործակցության 2023-2024 թվականների ծրագիրը։
Էմմա Չոբանյան
