19.06.2026 | 15:33
Արամ Վարդևանյանի ճեպազրույցը. ՈւՂԻՂ
Ադրբեջանի և Վրաստանի ՊՆ ղեկավարները ստորագրել են 2024թ․ երկկողմ ռազմական համագործակցության պլանը
Քաղաքականություն
27.11.2023 | 19:53
Բաքվում տեղի է ունեցել Ադրբեջանի պաշտպանության նախարար Զաքիր Հասանովի և նրա վրացի գործընկեր Ջուանշեր Բուրչուլաձեի երկկողմ հանդիպումը։ Ադրբեջանի ՊՆ-ի հաղորդմամբ՝ հանդիպման ընթացքում կողմերը հանգամանալից քննարկել են տարածաշրջանում խաղաղության և անվտանգության ոլորտում համագործակցության հեռանկարները, ռազմական, ռազմատեխնիկական և ռազմական կրթության զարգացումը, մտքեր են փոխանակվել համատեղ զորավարժությունների ինտենսիվության բարձրացման շուրջ, ինչպես նաև այլ փոխադարձ հետաքրքրություն ներկայացնող հարցեր։
Ռազմական գերատեսչությունների ղեկավարները նշել են, որ ինչպես շատ այլ ոլորտներում՝ ռազմական ոլորտում նույնպես երկու երկրների հարաբերություններն ամրապնդվում և զարգանում են։
Հանդիպման արդյունքներով երկու երկրների նախարարները ստորագրել են Ադրբեջանի և Վրաստանի Պաշտպանության նախարարությունների միջև 2024 թվականի համար երկկողմ ռազմական համագործակցության պլանը։
Հավելենք, որ Վրաստանի ՊՆ ղեկավարը Բաքվում է՝ մասնակցելու Թուրքիայի և Ադրբեջանի իր գործընկերների հետ եռակողմ հանդիպմանը։
Էմմա Չոբանյան
