18.12.2025 | 10:37
Երևանում անտուն շների կացարան կկառուցվի․ ՏԵՍԱՆՅՈՒԹ
Ավտոտնակից 2 300 000 դրամ էր գողացել․ 44-ամյա տղամարդու մոտից հայտնաբերվել է գողացած փողի մի մասը
Հասարակություն
27.11.2023 | 13:17
Նոյեմբերի 23-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ Արարատ քաղաքի ՈԿՖ բանավանի շենքերից մեկի մոտակա ավտոտնակից գողացել են մոտ 2 300 000 դրամ. տեղեկացնում են ՆԳՆ ոստիկանությունից։
ՆԳՆ ոստիկանության Արարատի բաժանմունքի և Արմավիրի բաժնի ծառայողները համատեղ ձեռնարկած միջոցառումների արդյունքում պարզել են, որ գողությունը կատարել է Արմավիրի մարզի Լեռնագոգ գյուղի 44-ամյա բնակիչը: Նա նոյեմբերի 24-ի ժամը 23.50-ին Արմավիր քաղաքի Ջիվանու փողոցում հայտնաբերվել, ձերբակալվել և տեղափոխվել է ոստիկանության Արարատի բաժին:
Լեռնագոգցի տղամարդը և կազմված փաստաթղթերը ներկայացվել են Վեդիի քննչական բաժին, որտեղ անձնական խուզարկությամբ նրա մոտ հայտնաբերվել է գողացած փողի մի մասը:
