29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Սերժ Սարգսյանն ու Բարսեղ Բեգլարյանն առարկեցին վաղեմության հիմքով իրենց նկատմամբ հետապնդումը դադարեցնելու դեմ
Հասարակություն
24.11.2023 | 18:24
Հայաստանի երրորդ նախագահ Սերժ Սարգսյանն ու «Ֆլեշ» ընկերության սեփականատեր Բարսեղ Սարգսյանն առարկեցին, որ իրենց վերաբերյալ քրեական հետապնդումը դադարեցվի վաղեմության ժամկետն անցած լինելու հիմքով:
Հիշեցնենք, որ դատարանում քննվող գործը վերաբերում է 10 տարի առաջ վառելիքի մատակարարման գործընթացում ենթադրյալ չարաշահումներին:
Գործով ի սկզբանե ամբաստանվում էր 5 անձ: Նրանցից 4-ին՝ Սերժ Սարգսյանին, «Ֆլեշ» ընկերության նախկին սեփականատեր Բարսեղ Բեգլարյանին, գյուղատնտեսության նախկին փոխնախարար Սամվել Գալստյանին և նույն նախարարության Բուսաբուծության վարչության պետ Գևորգ Հարությունյանին մեղադրանք էր առաջադրվել Քրեական օրենսգրքի 38-179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը կազմակերպելը, դրդելը, օժանդակելը), իսկ գյուղատնտեսության նախկին նախարար Սերգո Կարապետյանին՝ 179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը)։ Գործի քննության ընթացքում Սամվել Գալստյանն ու Սերգո Կարապետյանը մահացել են:
Այսօր դատարանն անցավ եզրափակիչ ելույթների փուլ, սակայն կողմերը եզրափակիչ ելույթներով հանդես չեկան, նիստը հետաձգվեց և կշարունակվի դեկտեմբերի 6-ին:
Արաքս Մամուլյան
