25.11.2024 | 22:48
Թուրքիայում երկրաշարժ է տեղի ունեցել
Թուրքիայում ԱԹՍ-ներ արտադրող Baykar-ից գողության դեպք է բացահայտվել․ մեղավորին լրտեսության մեջ են կասկածում
Քաղաքականություն
23.11.2023 | 20:33
Թուրքիայի անօդաչու թռչող սարքեր արտադրող «Baykar» ընկերությունում պրակտիկանտին բռնել են Ստամբուլում ընկերության գործարանից հեռանալիս չորս կոշտ սկավառակ գողանալիս։ Այս մասին գրում է Middle East Eye-ը։
«Հաստատությունում աշխատող ինժեներին բռնել են անվտանգության աշխատակիցները, որոնք նկատել են նրան, երբ նա հեռացել է կոշտ սկավառակը համակարգչի մեջ, որը պարունակել է տեխնոլոգիական գաղտնիքներ»,- ասվում է հրապարակման մեջ։
Այս պատմությունը աղմուկ է բարձրացրել թուրքական ԶԼՄ-ներում։ Ենթադրվում է, որ կասկածյալը լրտես է, որը փորձել է գողանալ հայտնի Bayraktar TB2 և Akinci անօդաչու թռչող սարքերի հետ կապված արդյունաբերական գաղտնիքները։
Լրատվամիջոցները հայտնում են, որ Ստամբուլի դատարանը ձերբակալել է 20-ամյա պրակտիկանտ Ահմեդ Ս․-ին, որը փորձել է ընկերության պահեստից գողանալ չորս միավոր SSD կոշտ սկավառակ: Ըստ զեկույցի՝ նա ասել է, որ չգիտի՝ կոշտ սկավառակները որևէ տվյալ պարունակո՞ւմ են, թե՞ ոչ։ Ոստիկաններին նա նաև հայտնել է, որ նյութը գողացել է վաճառելու համար:
«Կասկածյալը, ում հասարակական կարգի վարքագիծը ստուգվել է նաև ոստիկանության GBP [General Information Search] համակարգի միջոցով, քրեական պատասխանատվության է ենթարկվել վեց տարի առաջ սրճարանից նոութբուք գողանալու համար»,- ասվում է իրավապահների զեկույցում:
Նշվում է նաև, որ Ահմեդ Ս.-ի ընտանիքը որդու անհետացման վերաբերյալ բողոք է ներկայացրել անցյալ տարի։
Հետաքննությանը ծանոթ աղբյուրը Middle East Eye-ին ասել է, որ միջադեպի հետ կապված ենթադրությունները չափազանցված են, պատահածը պարզ գողություն է:
Էմմա Չոբանյան
