03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
ՌԴ-ն հույս ունի, որ Հայաստանը կշարունակի ՀԱՊԿ-ում աշխատանքը․ Պեսկով
Քաղաքականություն
22.11.2023 | 14:03
Ռուսական կողմն ակնկալում է, որ Հայաստանը կշարունակի աշխատանքը ՀԱՊԿ-ի շրջանակում և ցավում է, որ նոյեմբերի 23-ին Մինսկում կայանալիք գագաթնաժողովում հայկական կողմը բարձր մակարդակով ներկայացված չի լինի։ Այս մասին լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Իհարկե, կարելի է ափսոսանք հայտնել, որ վաղվա գագաթնաժողովում Հայաստանի մասնակցությունը բարձր մակարդակով չի լինի։ Մենք հուսով ենք, որ կլինի մասնակցություն աշխատանքային, փորձագիտական մակարդակով։ Եվ, իհարկե, մենք հուսով ենք, որ Հայաստանը կշարունակի իր աշխատանքը կազմակերպության շրջանակում»,- նշել է Պեսկովը։
Հավելենք, որ ավելի վաղ հայկական կողմը հայտարարել էր, որ վարչապետ Նիկոլ Փաշինյանը չի մասնակցի Մինսկում նոյեմբերի 23-ին կայանայիք ՀԱՊԿ գագաթնաժողովին։
ՀՀ ԱԳ նախարար Արարատ Միրզոյանն ու ՊՆ ղեկավար Սուրեն Պապիկյանը ևս չեն մասնակցի Մինսկում ՀԱՊԿ միջոցառումներին։
Էմմա Չոբանյան
